Avstriyada yeni yüksəldiyi "Wiener Stadt" liqasında mübarizə aparan "Karabakh Vyana" klubu cari mövsümün ilk yarısında tarixi nəticəyə imza atıb. Sportnet.az-ın məlumatına görə, ilk dövrədə keçirilən 15 turdan 10 görüşdə qələbə qazanan "Karabakh Vyana" 5 oyunda bərabərlik əldə etməklə yeni rekord müəyyənləşdirib.
15 matçda uduzmayan klub məğlubedilməz oyunlar seriyasını davam etdirib. Bununla da Avstriyanın 4-cü liqası və Vyana Əyalətinin ən yüksək liqası olan "Wiener Stadt"da ən uzun məğlubiyyətsizlik rekordu qeydə alınıb.
Qeyd edək ki, liqanın ikinci yarım sezonuna 2017-ci il fevral ayının 26-da start veriləcək.
