"Neftçi” komandası Türkiyənin Antalya bölgəsindəki təlim-məşq toplanışı çərçivəsində dördüncü yoxlama oyununu keçirib. Sportnet.az-ın məlumatına görə, rəqib Rusiya I Divizionunda mübarizə aparan "Tosno” klubu olub.
"Bellis Deluxe” otelinin meydanında baş tutmuş və Neftçi TV vasitəsilə canlı yayımlanmış görüş 2:2 hesablı heç-heçə ilə nəticələnib. Azərbaycan təmsilçisindən qolları Ramon Kordoza (17-ci dəqiqə) və Murad Ağayev (90+1-ci dəqiqə - pen.) vurublar.
"Neftçi" bu heyətlə çıxış edib: 53.Maksim Vaylo, 29.Georgi Navalovski, 3.Jairo Rodriges, 25.Kirilo Petrov, 6.Pavel Dreksa, 15.Ruslan Abışov (K) (13.Murad Ağayev, 75), 8.Zdenek Folprext, 17.Rəhman Hacıyev, 9.Namiq Ələsgərov (10.Cavid İmamverdiyev, 69), 11.İqnasio Herrera (19.Fəhmin Muradbəyli, 56), 14.Ramon Kardozo (23.Tərzin Cahangirov, 76).
Yoxlama görüşü
18:00. "Neftçi" - "Tosno" (Rusiya) - 2:2
Antalya. "Bellis Deluxe" otelinin meydançası
"Ağ-qaralar" yanvarın 4-dən start götürən Türkiyə toplanışına ayın 21-də yekun vuracaq.
