"Qəbələ" komandası Türkiyənin Antalya bölgəsindəki təlim-məşq toplanışının 12-ci gününü yekunlaşdırıb.
Sportnet.az-ın məlumatına görə, Roman Qriqorçukun baş məşqçi olduğu komanda ötən günün ilk yarısında nəzəri məşğələ ilə kifayətlənib.
Günün ikinci yarısında isə "qırmızı-qaralar” toplu çalışmalarla məşq edib. Zədədən sonra bir müddət bərpa prosesi keçən Murad Musayev komanda ilə birlikdə çalışıb. Məhəmməd Mirzəbəyov və Elvin Camalov isə fərdi hazırlıqla kifayətlənib.
