Türkiyə Super Liqasında növbəti baş məşqçi istefası gerçəkləşib.
Sportnet.az-ın məlumatına görə, bu dəfə "Qaziantepspor" rəhbərliyi İbrahim Üzülməzlə yollarını ayırıb. Tərəflər qarşılıqlı razılıq əsasında anlaşmaya xitam verib. Bu vəzifəyə əsas namizəd kimi Bülent Uyqunun adı hallandırılır.
Qeyd edək ki, İbrahim Üzülməz Qaziantepspor"un sükanı arxasında 2016-cı ilin 12 dekabrında İsmayıl Kartalı əvəzləyib. O, komandanı meydana çıxardığı hər 3 oyunda ("Çaykur Rizespor", "Beşiktaş" və "Antalyaspor") məğlubiyyət acısı dadıb. "Qaziantepspor" 18 turdan sonra 11 xalla sonuncu pillədədir.
