İspaniya "Atletiko”sunun zədəli futbolçuları – Arda Turan və Dieqo Kosta ümumi qrupda məşqlərə qoşulublar. Sportnet.az-ın İspaniya mətbuatına istinadən yaydığı məlumata görə, hər iki futbolçu Çempionlar Liqasının (ÇL) final qarşılaşmasında iştirak edə bilər.
Ölkə çempionatının son turunda "Barselona” ilə görüşdə zədələnən Arda və Kostanın ÇL-in finalında forma geymək şanslarının minimum olduğu bildirilsə də, indi vəziyyət fərqli dəyərləndirilir. Lakin sözügedən futbolçuların oynayıb-oynamamasıyla bağlı son qərar final günü veriləcək.
Qeyd edək ki, Çempionlar Liqasının qalibi "Atletiko” - "Real Madrid” matçında müəyyənləşəcək. Görüş mayın 24-də baş tutacaq.
