"Qəbələ"nin futbolçuları Qusar "Şahdağ"ının gənc hücumçusu Sərxan Ağayevi diqqət göstəriblər. Sportnet.az-ın məlumatına görə, "qırmızı-qaralar" Azərbaycan çempionatının I Divizionunun XV turunda "Şəmkir"lə səfər oyununda ağır zədələnərək xəstəxanaya çatdırılan futbolçuya maddi dəstək olublar.
Onlar Sərxanla əlaqə saxlayaraq vəziyyəti ilə yaxından maraqlanıblar. "Şahdağ" klubu alqışa layiq addıma görə "Qəbələ" nin futbolçularına dərin minnətdarlığını bildirir.
Qeyd edək ki, Ağayev rəqiblə mübarizədən sonra aldığı zərbə nəticəsində huşunu itirərək əvvəlcə Şəmkir, sonra Gəncə xəstəxanasına aparılıb.
