Tofiq Bəhramov adına Respublika stadionunun sabiq direktoru, mərhum Akif İsmayılovun maraqlı videosu üzə çıxıb. A.İsmayılovun oğlu Elşən İsmayılov eksklüziv görüntüləri Sportnet.az-a geniş müsahibəsində təqdim edib.
Bu, 8 il öncə ismayılovların qohumunun nişan məclisində çəkilib. Həmin 15 saniyəlik videoda mərhumun müğənnilik bacarığına da şahidlik etmək mümkündür. İsmayılov "Onu bağışlamaq olarmı?" kinofilmindən Tofiq Quliyevin məşhur bəstəsindən bir parçanı ifa edir.
Xatırladaq ki, ötən gün Akif İsmayılovun vəfatından bir il ötüb. O, 52 yaşında dünyasını dəyişib.
