"Qarabağ"ın futbolçusu Qara Qarayev Azərbaycan Premyer Liqasının XX turunda "İnter"ə öz meydanında 0:1 hesabı ilə uduzduğu oyundan sonra müsahibə verib. Sportnet.az-ın qarşılaşmada olan məlumatına görə, yarımmüdafiəçi öncə matç haqda danışıb.
- Oyuna yaxşı hazırlaşmışdıq. Qalib gəlib vahid liderliyimizi bərpa etmək istəyirdik. Ancaq alınmadı. Bu, futboldur. Qarşıda çətin oyunlarımız var. "İnter"in bizə qarşı belə köklənmiş şəkildə oynayacağını gözləyirdik. Buna normal baxmaq lazımdır.
- Bəs sizdə niyə köklənmə yox idi?
- İlk hissədə yaxşı qol imkanlarımız oldu. Bundan istfadə edə bilmədik.
- Komanda "dişsiz" idi, həvəssiz görünürdü...
- Sözsüz ki, aparıcı futbolçularımızı itirməyimiz öz təsirini göstərir. Oyuna az qalmış Dino Ndlovunu da itirdik. Bu da istər-istəməz ön xətdə hansısa problemlər yarada bilərdi. Ancaq bu gün futbolçular oynadı. Hər kəs kimi, biz də yaxşı bilirdik ki, "İnter"ə qol vurmaq çətin olacaq.
- Reynaldonun yeri görsənirdi?
- Bu haqda çox sual verilir. Ancaq Reynaldo artıq komandadan gedib. Onun olub-olmamağının artıq lüzumsuzdur.
- Oyundan qabaq bilirdiniz ki, "Qəbələ" xal itirib. Bu, motivasiyanınızı artırmalı idi...
- Düşünmürəm ki, belə idi. "İnter"lə matçda 3 xal qazanıb lider olmaq üçün hazırlaşmışdıq. Başqa danışacaq bir şey yoxdur. 3 xal itirdik. "İnter"in belə futbol oynayacağlnı həqiqətən gözləyirdik.
- Oyundan sonra azarkeşlər arasında nə baş verdi?
- Onlar azarkeş deyil. Bizi söymürdülər. Sözsüz ki, tələbkarlığı var. "Qarabağ" elə bir komandadır ki, hər zaman qələbə gözlənilir.
- Nə istəyirdilər?
- Qalib gəlib ilk pilləni götürməyimizi istəyirdilər. Bu da normaldır. Azarkeşlərimizə daim hörmətlə yanaşırıq. Ancaq ifrata varmaq, söyüş lazım deyil. Sonucda biz onların futbolçularıyıq, onlara qulluq edirik. Hər nə olur-olsun, hər zaman bizi dəstəkləməlidirlər. Sanki elə bir vəziyyət yaranıb ki, artıq çempionar qurtarıb. Çempionatın sonuna hələ 8 tur qalıb. Düşünürəm ki, qarşıda hələ böyük, çətin marafon var. Azarkeşlərin dəstəyi biz sonuncu turadək vacib laızmdır. Hər kəs bizi növbəti oyunlara daha yaxşı kökləməli, dəstək olmalıdır.
