2019-cu il mayın 29-da Avropa Liqasının final matçını keçirməyə namizəd olan Bakı Olimpiya Stadionunun rəqiblərindən biri azalıb.
Sportnet.az-ın məlumatına görə, Almaniya Futbol İttifaqı Frankfurtdakı "Kommersbank Arena" ilə Ştutqartdakı "Mercedes-Bens Arena" arasında seçim aparıb. Nəticədə üstünlük ikinciyə verilib. Ərizəni bu il iyunun 6-dək vermək lazımdır. Final matçının keçiriləcəyi şəhər sentyabrın 20-də açıqlanacaq.
Qeyd edək ki, Ştutqartdakı stadionun tutumu 60 min 449 nəfərlikdir. 2018-2019 mövsümündə Avropa Liqasının final matçını keçirməyə Gürcüstanın paytaxtı Tbilisidəki "Dinamo Arena", Şotlandiyanın paytaxtı Qlazqodakı "Hampden Park", İspaniyanın Sevilya şəhərindəki "Ramon Sançes Pisxuan" və Türkiyənin İstanbul şəhərindəki "Beşiktaş Arena" da namizəddir.
