Futbol üzrə Avropa Liqasının yarımfinalçıları müəyyənləşib.
Sportnet.az-ın məlumatına görə, bu, 1/4 final mərhələsinin cavab oyunlarından sonra bəlli olub.
Azərbaycan futbolsevərləri üçün böyük maraq kəsb edən matç İstanbulda keçirilib. Fransada "Lion”a 1:2 hesabı ilə uduzan "Beşiktaş” doğma azarkeşlər önündə eyni hesabla qalib gəlib. Lakin penaltilər seriyasında daha dəqiq olan "şirlər" "qartallar"ın tarixində ilk dəfə avrokubokda yarımfinala vəsiqə qazanmasına imkan verməyiblər.
Digər yarımfinalçılar isə İngiltərənin "Mançester Yunayted", İspaniyanın "Selta" və Hollandiiyanın "Ayaks" klubları olub. Onlardan "Ayaks" və "Mançester Yunayted" bu hüquqa əlavə vaxtda sahib çıxıb.
Avropa Liqası
1/4 final, cavab oyunları
20 aprel (cümə axşamı)
23:05. "Beşiktaş” (Türkiyə) – "Lion” (Fransa) - 2:1 (penaltilərlə - 6:7)
Qollar: Anderson Taliska, 27; 58 - Aleksandr Lyakazett, 34
Baş hakim: Milorad Majiç (Serbiya)
İlk oyun – 1:2
23:05. "Şalke” (Almaniya) - "Ayaks” (Hollandiya) - 3:2 (əlavə vaxt - 1:2)
Qollar: Leon Qoretska, 53. Qvido Burqştaller, 56. Daniel Kaliciuri, 101 - Nik Verhever, 111. Amin Yunes, 120
Baş hakim: Ovidiu Hatseqan (Rumıniya)
İlk oyun – 0:2
23:05. "Genk” (Belçika) – "Selta” (İspaniya) - 1:1
Qollar: Leandro Trossar, 67 - Pione Sisto, 63
Baş hakim: Uilyam Kollam (Şotlandiya)
İlk oyun – 2:3
23:05. "Mançester Yunayted” (İngiltərə) – "Anderlext” (Belçika) - 2:1 (əlavə vaxt - 1:0)
Qollar: Henrik Mxitaryan, 10. Markus Reşford, 107 - Sofyan Anni, 32
Baş hakim: Alberto Undiano Malyenko (İspaniya)
İlk oyun – 1:1
Qeyd edək ki, yarımfinal mərhələsinin püşkü aprelin 21-də atılacaq.
