"Ramil Şeydayevin səviyyəli forvard olduğunu düşünürəm. Komandamıza gələndən o, güclü oyunçu olduğunu sübut edir”. Bunu Sportnet.az-a açıqlamasında "Jilina”nın futbolçusu Mixal Skvarka Ramil Şeydayev haqda danışarkən deyib.
"Jilina”nın aparıcı oyunçusu milli komandamızın forvardını gələcəyin ən güclü hücumçuları sırasında görür. Skvarka Şeydayev barədə bunları deyib: "Ramil gənc oyunçudu, onun gələcəkdə uğurları daha çox olacaq. "Jilina”ya icarə gəlsə də, artıq komandada özünü sübut etməyə başlayır.
Təbii ki, bu cür hücumçu ilə eyni komandada uzun müddət çıxış etmək xoş olardı. Şeydayevin gənc yaşda Azərbaycan millisinin əsas heyətində yer alması əla göstəricidir. Fikrimcə, mövsüm sonuna qədər komandamıza daha çox xeyir verə biləcək".
