I Divizionun çempionu "Turan Tovuz”un növbəti mövsüm Premyer Liqada çıxış etməsi sual altına düşüb. Sportnet.az-ın məlumatına görə, son günlər mətbuatda "Turan Tovuz”un Premeyer Liqaya buraxılmayacağına dair xəbərlər yer almaqdadır.
Bununla əlaqədar azarkeşlər komandaya dəstək məqsədilə yürüş keçirməyi qərara alıb. Fanatlar adından yayılan bəyanatda yürüşün mayın 9-da keçiriləcəyi bildirilir. Aksiya Tovuz şəhər stadionu qarşısında olacaq. Bəyanatda deyilir: "Rəhbərlik səviyyəsində maliyyə məsələsinin həlli üçün lazımi tədbirlər görülür. İnanırıq ki, ən qısa müddətdə bu məsələ həllini tapacaq və doğma komandamız Premyer Liqaya vəsiqə qazanacaq. Bizlər, tovuzlular şanlı komandamıza dəstəyimizi daim göstərmişik və hər zaman yanında olmuşuq. Mayın 9-da saat 12:00-da Tovuz şəhər stadionun önündə "Turan Tovuz”a dəstək yürüyüşü keçiriləcək. Tovuzu, "Turan”ı sevən hər kəsi bu tədbirə dəvət edirik! Səsimizi duyurmaq üçün hamımız bir olaq!"
