İslamiadada Kamerun və Mərakeş komandaları arasında baş tutan matçda xoşagəlməz hadisə baş verib.
Sportnet.az-ın məlumatına görə, Kamerun yığmasının baş məşqçisi Riçard Tova huşunu itirdiyi üçün xəstəxanaya aparılıb. Hadisə qarşılaşmanın 30-cu dəqiqəsində - Frants Panqop Çidjui dəqiq zərbə ilə Kamerun yığmasını hesabda önə çıxaran zaman yaşanıb.
Komandanın həkimi Тама Moktamo bildirib ki, baş məşqçi əvvəlcə oyunun keçirildiyi "Bayıl Arena”da müayinə olunub, saat 18:00-da isə xəstəxanaya aparılıb. Həkimin sözlərinə görə, müayinələrdən keçən Tovanın səhhətində ciddi problem yaşanmayıb və hazırda özünü yaxşı hiss edir.
Qeyd edək ki, matç 1:1 hesabı ilə başa çatıb. Kamerun millisi A qrupunun ilk matçında Azərbaycan yığması ilə də heç-heçə edib – 0:0.
