Qusarın "Şahdağ" klubu l Diviziona buraxılmamaqları ilə barışmayacağını bildirir.
Klubun mətbuat xidmətinin rəhbəri Xanbaba Daşdı Sportnet.az-a açıqlamasında bu turnirdə yenidən iştirak etmək üçün əllərindən gələni edəcəklərini bildirib. O, bütün futbolçuların son qəraradək komandanın yanında olduqlarını və heç kimin klubu tərk etmədiyini söyləyib. Belə ki, bütün klub rəhbərliyi, məşqçilər, futbolçular və qusarlı azarkeşlər AFFA-dan "Şahdağ"ın yeni mövsümdən bu çempionatda iştirakına icazə verməsi üçün qərarını gözləyir.
Xatırladaq ki, sənədləri qəbul olunmayan klublardan "Şahdağ", "Göyəzən", "Energetik" və "Bakılı" klubları l Divizionda mübarizə aparmaqdan məhrum ediliblər.
