İspaniya millisinin futbolçusu Dieqo Kostanın İngiltərənin "Çelsi" komandasından "Atletiko"ya keçidi yekunlaşıb.
Sportnet.az-ın Madrid klubunun rəsmi saytına istinadən verdiyi məlumata görə, 28 yaşlı hücumçu tibbi müayinədən uğurla keçdikdən sonra müqaviləyə imza atıb. O, 18 nömrəli forma ilə çıxış edəcək.
Kosta bu gündən "Atletiko"nun məşqlərinə qatıla bilər. Amma o, kluba qışadək qoyulmuş transfer qadağası üzündən 2018-ci il yanvarın 1-dən qeydiyyata alınacaq.
Qeyd edək ki, "Atletiko" və "Çelsi" Çempionlar Liqasında "Qarabağ"la eyni qrupda yer alıb.
