İspaniya "Atletiko"su İtaliyanın "Latsio" klubunun futbolçusu Luis Albertonun xidmətində maraqlıdır. Sportnet.az-ın "Calciomercato"ya istinadən məlumatına görə, 25 yaşlı yarımmüdafiəçi bu mövsüm yaxşı oyunu ilə madridlilərin diqqətini cəlb edib.
"Latsio" Albertonu bir il əvvəl İngiltərə "Liverpul"undan 4 milyon avroya əldə edib və onunla 2021-ci ilədək müqavilə bağlayıb. Bu mövsüm futbolçu A Seriyasında 10 oyuna 3 qol vurub, 5 məhsuldar ötürmə verib.
Qeyd edək ki, "Atletiko" Çempionlar Liqasında "Qarabağ"la eyni qrupda yer alıb. İki komanda arasında Bakıda keçirilmiş görüş qolsuz yekunlaşıb. Madriddəki qarşılaşma oktyabrın 31-də olacaq.
