"Qarabağ” klubu İngiltərənin "Çelsi” komandası ilə keçirəciyi Çempionlar Liqasının qrup mərhələsinin son ev oyunu üçün satışa daha 1000 bileti çıxarıb.
Sportnet.az-ın Ağdam təmsilçisinin rəsmi saytına istinadən məlumatına görə, bu, rəqib komandanın öz azarkeşlərinə ayrılmış biletlərin bir hissəsindən imtina etməsindən sonra baş verib. Həmin biletlər 308 və 309-cu sektorlaradır.
Azərbaycan klubu oyuna olan böyük marağı nəzərə alaraq onları bu gündən satışa çıxarıb. Biletlər "Gənclik mall” və "28 mall”, "Park Bulvar” (Qarabağ FK Fan-şop), M. Rəsulzadə, 3 (Azərb. k/t yaxınlığı) Bül-bül prospekti, Heydər Əliyev Sarayının kassası, Asan Xidmət mərkəzləri, Nizami küç. (Nizami k/t yaxınlığı) və Üzeyir Hacıbəyov küç. 69x (Hökümət evinin arxası) ünvanlarında satılır.
