"Qarabağ” Çempionlar Liqasının qrup mərhələsinin V turunda Bakı Olimpiya Stadionunda "Çelsi”ni qəbul edəcək.
Sportnet.az-ın məlumatına görə, Ağdam klubu sabah keçiriləcək qarşılaşma üçün azarkeşlərə müraciət edib. Müarciətdə deyilir:
"Azarkeşlərimizdən xahiş olunur ki, girişdə qarışıqlıq yaşamamaq üçün arenaya gələrkən E qapısında yerləşən Şərq körpüsündən və S qapısında yerləşən Cənub körpüsündən istifadə edin. Çıxış zamanı isə BNA tərəfindən təqdim olunan avtobuslara getmək lazımdır. İctimai dayanacaqla bağlı N qapısında yerləşən Şimal körpüsündən, metronun "Koroğlu” stansiyası üçün isə S qapısında yerləşən Cənub körpüsündən istifadə edilməlidir. Heydər Əliyev prospektində yerləşən ictimai dayanacaq oyundan 3 saat əvvəl açıq olacaq. Qarşılaşmaya 3 saat əvvəl gəlməyiniz xahiş olunur".
Bakı Olimpiya Stadionunun qapıları saat 18:00-dan etibarən açılacaq.
Matç sabah 21:00-da start götürəcək.
