Rusiya MOIK-inin azarkeşlərindən biri "Roma" ilə matçdan sonra İtaliya polisi tərəfindən saxlanılıb. Sportnet.az-ın "Calcio.Fanpage.it"ə istinadən məlumatına görə, 71-ci dəqiqədə qonaq fanatlar meydan sahiblərinin tərəfdarlarının olduğu tribunaya yanar əşyalar atmağa və ora soxulmağa cəhd ediblər.
Bundan sonra rusiyalı azarkeşlərin sektoruna xüsusi təyinatlı dəstə gətirilib və vəziyyət normallaşıb. Polis isə çaxnaşma iştirakçılarını videomüşahidənin köməyilə müəyyənləşdirib. MOİK fanatlarından biri stadion mühafizəçisinə hücum etdiyi üçün həbs olunub. İndi ədalət keşikçiləri toqquşmadakı digər şübhəliləri axtarır.
