Bu gün "Qarabağ"ın axşam məşqində sürpriz qonaq iştirak edib.
Sportnet.az-ın klubun rəsmi saytına istinadən verdiyi məlumatına görə, Formula 1 üzrə Azərbaycan Qran Prisinin son qalibi, "Red Bull" pilotu Daniel Rikkardo komandanın qonağı olub.
Kiçik tanışlıqdan sonra avstraliyalı pilota baş məşqçi Qurban Qurbanov onun adı yazılan formanı hədiyyə edib. Rikkardo isə daha sonra özünə məxsus ayaqqabıları imzalayaraq baş məşqçiyə verib. Daha sonra futbolçularla söhbət edən Rikkardo bir neçə dəqiqə komanda ilə məşqə qatılıb.
