"Sumqayıt" klubu Azərbaycan Premyer Liqasında ilk böyük hesablı qələbəsini "Kəpəz" üzərində əldə edib. Sportnet.az-ın klubun rəsmi saytına istinadən məlumatına görə, bu, 2011-ci il dekabrın 11-də baş verib.
Həmin gün "gənclik şəhəri" təmsilçisi rəqibini 4:1 hesabı ilə yenib.
"Kəpəz"lə qarşılaşmalarda "Sumqayıt"ın ən çox fərqlənən futbolçusu isə Amil Yunanovdur. Yunanov 3 qol vurub.
Qeyd edək ki, bu iki komanda dekabrın 2-də Topaz Premyer Liqasının XIV tur matçında Gəncə şəhər stadionunda üz-üzə gələcəklər. Görüş saat 14:00-da başlanacaq.
