Premyer Liqanın VII turunda "Bakı”nın heyətində daha bir futbolçu debüt edib. Sportnet.az-ın məlumatına görə, Valeh Seyidov "Araz Naxçıvan”a qarşı oyunda "Zolaqlılar”ın heyətində ilk dəfə meydana çıxıb.
18 yaşlı hücumçu ilk oyunu ilə bağlı fikirlərini klubun rəsmi saytına bildirib: "İlk oyunum olduğu üçün çox həyəcanlı idim. Debütümdə komandanın qələbə qazanması məni sevindirdi. Növbəti oyunlarda meydanda olduğum dəqiqələrin sayını daha da artırmağa, çalışıb daha yaxşı mübarizə aparmağa çalışacağam. Qol isə özü gələcək”.
