AFFA İntizam Komitəsi I Divizionda XXII turun 3 oyunu ilə bağlı cəza tədbirləri görüb.
Sportnet.az-ın məlumatına görə, "Şüvəlan”la matçın 66-cı dəqiqəsində "Sabah”ın futbolçusu Əziz Quliyev ikinci sarı vərəqə alaraq meydançadan kənarlaşdırılıb. Bu səbəbdən futbolçu 1 oyunluq cəzalanıb, klub 20 manat cərimə olunub.
MOİK-lə görüşün 90+4-cü dəqiqəsində "Xəzər”in futbolçusu Tanrıverdi Məhərrəmli təhqiredici ifadələr işlətdiyinə görə meydandan kənarlaşdırılıb. Bu səbəbdən futbolçu 3 oyunluq cəzalanıb, klub 160 manat cəriməyə məruz qalıb.
"Qaradağ Lökbatan”la qarşılaşmada "Mil-Muğan”ın 4 futbolçusu sarı vərəqə alıb. Bununla əlaqədar İmişli klubu 80 manat cərimə olunub.
