AFFA ötən həftə UEFA-nın İsveçrənin Nyon şəhərindəki mənzil-qərargahında PRO kateqoriyası kurslarında təhsil alan məşqçilər üçün keçirilmiş "UEFA Pro licence Student exchange” adlı seminardan görüntülər yayıb.
Sportnet.az-ın məlumatına görə, seminarda Azərbaycan, Finlandiya, Serbiya və Ukraynadan olan məşqçilər iştirak edib. AFFA-nın texniki direktoru Bernhard Lippertin başçılıq etdiyi nümayəndə heyətinə PRO kurslarında təhsil alan Samir Abasov, Mik Bennett, Elşad Əhmədov, Baba Əsgərov, Siyasət Əsgərov, Zaur Həşimov, Vüqar Məmməd, Ramin Quliyev, Mahmud Qurbanov, Elçin Rəhmanov və Rəşad Sadıqov daxil olunub.
