"Xamanın çoxlu təklifi var. Ona Belçika, Səudiyyə Ərəbistanı, Çin, ABŞ klublarından, eləcə "Qarabağ”dan dəvət gəlib”.
Sportnet.az xəbər verir ki, bunu Cənubi Afrika Respublikasının (CAR) "Mamelodi Sandaunz" klubunun futbolçusu Xama Billiatın meneceri Mayk Nqobeni deyib. O, bidirib ki, hazırkı klubu ilə müqaviləsinin müddəti iyunun 30-da başa çatacaq 28 yaşlı forvard cari mövsümün bitməsini gözləyir: "Heç bir klubla ilkin razılıq əldə etməmişik, birbaşa müqavilə bağlamaq istəyirik. Tələsməyi düşünmürük. Gəlin, Xamaya "Mamelodi Sandaunz"da mövsümü yüksək səviyyədə başa vurmaq imkanı verək. Bəli, o, hazırkı klubunu tərk edir və ölkə xaricində inkişaf etmək istəyir. Cənubi Afrikada bütün mümkün titulları qazanıb. Onun "Mamelodi Sandaunz"la heç bir problemi yoxdur”.
Bir müddət əvvəl "Qarabağ"ın zimbabveli hücumçunu heyətinə qatmaq üçün ilkin müqavilə təklif etdiyi, lakin anlaşmanın gerçəkləşmədiyi bildirilmişdi.
Qeyd edək ki, Xama Billiat daha öncə karyerasını ölkə xaricində davam etdirmək istədiyini açıqlayıb. O, cari mövsümdə zədədən əziyyət çəkməsinə baxmayaraq, 7 qol və 5 məhsuldar ötürmə müəllifi olub.
