Futbol üzrə Rusiya I Divizionunda çıxış edən "Luç-Energiya" klubu baş məşqçi Aleksandr Qriqoryanla müqaviləni müqaviləni pozub.
Sportnet.az-ın məlumatına görə, bu barədə klubun idarə heyətinin üzvü Dmitri Druyan açıqlama verib. O, erməni həmyerlisini uğursuz nəticələrlə əlaqədar istefaya göndərdiklərini söyləyib: "Əlbəttə, biz fərqli nəticələr gözləyirdik. Klub bunun üçün lazımi şəraiti yaratmışdı. Lakin təəssüf ki, Aleksandr Vitaliyeviçin fəaliyyəti dövründə 4 məğlubiyyət, 2 heç-heçə və cəmi 2 qələbəmiz oldu".
Qeyd edək ki, daha əvvəl "Fakel"lə oyun zamanı azarkeşlərdən biri Aleksandr Qriqoryana tribunadan diri xoruz atıb. Nəticədə Rusiya Futbol İttifaqının İntizam Komitəsi Vladivostov klubunu ev oyununu azarkeşsiz keçirmə şərti cəzası verib.
