Topaz Premyer Liqasının keçiriləcək "Neftçi" - "Qəbələ" və "Sumqayıt" - "Qarabağ" matçları canlı yayımlanacaq.
Sportnet.az-ın CBC Sport kanalının saytına istinadən verdiyi məlumata görə, hər iki oyun eyni saatda başlayacağından və hər iki qarşılaşmaya kifayət qədər böyük maraq olduğundan matçlar paralel yayımlanacaq. Tamaşaçılar eyni zamanda hər iki görüşdən görüntüləri izləyə biləcəklər.
Matçdan sonra efirə gedəcək "Bizim Futbol" verilişində hər iki stadiondan canlı bağlantılar olacaq.
Qeyd edək ki, aprelin 22-də keçirilən hər iki matç saat 19:00-da başlayacaq. Eyni gündə saat 17:00-da başlayan "Səbail" - "Kəpəz" matçı da canlı yayımlanacaq.
