"Qəbələ” hollandiyalı futbolçu Dion Malone ilə yollarını ayırıb.
Sportnet.az-ın klubun rəsmi saytına istinadən məlumatına görə, 29 yaşlı yarımmüdafiəçi ilə müqaviləyə qarşılıqlı razılıaşma ilə xitam verilib. 2017-ci yayından komandamızda çıxış edən legioner 2017-2018-ci illər mövsümündə "Qəbələ”nin şərəfini qoruyub. Malone "qırmızı-qara” formada çıxış etdiyi müddət ərzində 21 oyun keçirib. Topaz Premyer Liqasında 18 matça çıxan hollandiyalı UEFA Avropa Liqasında 3 oyunda iştirak edib.
"Qəbələ” İdman Klubu Dion Maloneyə "qırmızı-qara” forma ilə keçirdiyi oyunlara görə təşəkkür edir, gələcək karyerasında uğurlar arzulayır.
