Bayıl stadionunda Azərbaycan Xalq Cümhuriyyətinin 100 illik yubileyinə həsr olunmuş yoldaşlıq oyunu keçirilib.
Sportnet.az-ın məlumatına görə, oyunda futbol veteranlarından ibarət "Təcrübə” komandası ilə futbol ictimaiyyətinin nümayəndələrindən təşkil olunmuş "Futbol funksionerləri” komandası qarşılaşıb. Görüş 4:4 hesabı ilə başa çatıb.
"Təcrübə” komandasının üzvləri Kənan Kərimov və Musa Qurbanov dubl edib. "Futbol funksionerləri” komandasının heyətində isə Zaur Hacı-Məhərrəmov, Rəşad Sadıqov, Yunis Hüseynov və Bəxtiyar Osmanov fərqlənib.
