Avstriyada təlim-məşq toplanışını davam etdirən "Qarabağ" klubunun sabiq qapıçısı İbrahim Şehiç komandanın düşərgəsində olub.
Sportnet.az-ın klubun saytına istinadən verdiyi məluamata görə, 30 yaşlı qolkiper məşqə gələrək futbolçu və məşqçi heyəti ilə görüşüb.
O, "Qarabağ"ın onun ailəsi olduğunu deyib: "Burada çox möhtəşəm illər keçirmişəm. Klubdan ayrılanda bir çoxları ilə görüşə bilmirdim. Ona görə də gəlib onlarla görüşməyi özümə mənəvi borc bildim. Hansı klubda çıxış etməyimdən asılı olmayaraq, hər zaman "Qarabağ"ı dəstəkləyəcəyəm, ürəyim bu komandayla döyünəcək".
