İtaliyanın "Napoli" klubu "Udineze"nin qapıçıları Aleks Meret və Orestis Karnezislə müqavilə bağlayıb.
Sportnet.az-ın Neapol təmsilçisinin rəsmi saytına istinadən məlumatına görə, 21 yaşlı Meret ötən mövsüm icarə əsasında SPAL komandasında çıxış edib. O, 13 oyunda 16 qol buraxıb və 45 zərbəni dəf edib. 32 yaşlı Karnezis isə ötən mövsümü icarə əsasında İngiltərə "Uotford"unda keçirib. Yunanıstanlı qolkiper 15 qarşılaşmada 24 top buraxıb, 34 "seyv" edib.
Qeyd edək ki, daha əvvəl İtaliya mətbuatı "Napoli"nin Rusiya millisinin və MOİK-in qapıçısı İqor Akinfeyevlə maraqlandığını yazıb. "Udineze"də isə bu qapıçıları əvəzləməyə namizədlər qismində hazırda "Səbail"də çıxış edən Emil Balayevin də olduğu bildirilib.
