"Mövsüm bitəndən sonra heyətimizdə dəyişikliklər oldu. Bir neçə futbolçu getdi və onların yerinə gələnlər oldu. Yeni komandayıq və heyətin formalaşması üçün bir müddət vaxt lazımdır”.
Sportnet.az-ın Qəbələyə ezam olunmuş əməkdaşı xəbər verir ki, bunu "Qəbələ”nin futbolçusu Voyislav Stankoviç evdə Lüksemburq "Proqres"inə 0:2 hesabı ilə uduzduqları Avropa Liqasının I təsnifat mərhələsinin ilk oyunundan sonra keçirdiyi brifinqdə deyib. Serbiyalı müdafiəçi bildirib ki, bu məğlubiyyət komandasının hazır olmadığı anlamına gəlməməlidir: "Rəqib oyunu müdafiədən quraraq əks-hücumlara bel bağladı. Öz səhvlərimizdən qollar buraxdıq. Onlar da bu xətalarımızdan lazımınca yararlandılar. Biz isə əlimizə düşən imkanlardan istifadə edə bilməyərək uduzduq".
Stankoviç növbəti mərhələyə vəsiqə ümidlərini itirmədiklərini də əlavə edib: "Evdə 2 top fərqiylə yenilsək də, bizim üçün avrokubok mövsümü hələ bitməyib. Necə ki, "Proqres" burada 2 qol vurdu, biz də Lüksemburqda 2-3 top vura bilərik".
