Avropa Liqasının I təsnifat mərhələsinin ilk oyununda Macarıstan "Uypeşt”ini 3:1 hesabı ilə məğlub edən "Neftçi” komandası cavab matçının hazırlığını davam etdirir.
Sportnet.az-ın məlumatına görə, flaqman bu gün "Türk Hava Yolları Futbol Mərkəzi”ndə səhər məşqinə çıxıb. Məşqdə zədəli Namik Ələskərovdan başqa bütün futbolçular iştirak ediblər. Hazırlıq sabah da bir məşqlə davam edəcək.
Qeyd edək ki, iyulun 19-da Budapeştdəki "Ferens Susa” stadionunda keçiriləcək "Uypeşt” – "Neftçi” oyunu Bakı vaxtı ilə saat 23:00-da başlanacaq.
