"Qarabağ"ın sabiq qapıçısı Anton Kanibolotski Polşanın "Medz" komandasına keçib.
Sportnet.az-ın Leqnitsa şəhəri təmsilçisinin rəsmi saytına istinadən verdiyi məlumata görə, 30 yaşlı qolkiperlə 2 illik müqavilə bağlanılıb. Ukraynalı oyunçu "Medz"ə azad agent kimi yollanıb. Onun Ağdam klubu ilə müqaviləsinə ötən ay qarşılıqlı razılıq əsasında xitam verilib.
Qeyd edək ki, Anton Kanibolotski əvvəllər Ukraynanın "Dnepr", "Krivbass" və "Şaxtyor" komandalarında da forma geyinib. O, ötən yay "Qarabağ"la 3,5 illik müqavilə bağlasa da, əsas heyətə düşməkdə çətinlik çəkib. "Medz" ötən mövsüm Polşanın I Divizionunu qalib kimi başa vuraraq, Ekstraklassaya vəsiqə qazanıb.
