"Qarabağ" klubu Polşanın "Legiya" (Varşava) komandasının futboçusu Kristian Paskuatonu heyətinə qatmaq istəyib.
Sportnet.az "Legionisci.com"a istinadən xəbər verir ki, Ağdam təmsilçisi 29 yaşlı yarımmüdafiəçini transfer etmək istəsə də, italiyalı oyunçu Azərbaycan klubunda çıxış etməkdən imtina edib. O, daha öncə qeyri-idman hərəkətlərinə görə uzaqlaşdırıldığı "Legiya"nın düşərgəsinə geri dönüb.
Qeyd edək ki, Paskuato İtaliyanın "Yuventus" klubunun yetirməsidir.
