Türkiyədə Bolu bölgəsində təlim-məşq toplanışında olan "Sumqayıt" klubu bu gün növbəti yoxlama oyununa çıxıb.
Sportnet.az-ın məlumatına görə, komanda Türkiyə Super Liqasında çıxış edən "Yeni Malatyaspor"la üz-üzə gəlib.
Qarşılaşma "Sumqayıt"ın 3:1 hesablı qələbəsi ilə yekunlaşıb. Komandanın heyətində Yusif Nəbiyev 36-cı dəqiqədə hesabı açıb. 39-cu dəqiqədə isə Əfran İsmayılov fərqi iki topa çatdırıb. Yusif Nəbiyev 60-cı dəqiqədə fərqlənməklə özünün ikinci komandasının üçüncü qoluna imza atıb. 65-ci dəqiqədə isə "Yeni Malatyaspor"un futbolçusu İsiar Dia fərqi azaldıb.
Qeyd edək ki, "Sumqayıt” Bolu toplanışında Qətər təmsilçisi Əl-Şəhaniyə” ilə 1:1 hesablı heç-heçə edib və Türkiyə Super Liqasında yer alan "Alanyaspor"a uduzub – 0:7
