"Daha öncə BATE-nin çox yaxşı komanda olduğunu bildirmişdim. Bakıdakı ilk oyun çox çətin oldu, sabah bizi bundan da ağır oyun gözləyir".
Sportnet.az-ın məlumatına görə, bunu "Qarabağ"ın baş məşqçisi Qurban Qurbanov Belarusda BATE ilə keçirəcəkləri Çempionlar Liqasının III təsnifat mərhələsinin cavab oyunundan öncə deyib. 46 yaşlı mütəxəssis bildirib ki, hazırki məqamda nə qədər çətin olsa da, başqa çıxış yolu yoxdur: "Nəticə qazanmaq üçün meydanda ən yaxşısını etməyə çalışacağıq".
Qeyd edək ki, "Qarabağ" ilk görüşdə 0:1 hesabı ilə uduzub. "Borisov Arena"da keçiriləcək cavab görüşü Bakı vaxtı ilə saat 21:00-da başlanacaq.
