"Çox şadam ki, komandanın qələbəsində mənim də rolum oldu. İlk qol epizodunda yeganə məqsədim topu meydanda saxlamaq idi. Desəm ki, Antonun boş olduğunu görüb topu bilərəkdən ona ötürdüm, yalan danışaram.
Sportnet.az xəbər verir ki, bunu "Neftçi"nin futbolçusu Mirabdulla Abbasov klubun saytına açıqlamasında Topaz Premyer Liqasının IV turunda evdə "Keşlə"ni 2:0 hesabı ilə məğlub etdikləri oyun barədə danışarkən deyib.
23 yaşlı hücumçu qol ötürmələrimin sayının elə də çox olmadığını bildirib."Amma bu, karyeramdakı ən gözəl qol ötürməsi idi. İkinci qol epizodunda isə biz dörd nəfər bir nəfərə qarşı çıxmışdıq. Belə vəziyyətdə topu mütləq futbolçuların birinə ötürmək lazımdır. Çünki topdan sürətli qaçmaq olmur”.
