"Bildiyiniz kimi, iki həftədir oyuna hazırlaşırıq, təlim-məşq toplanışındaydıq. Sabahkı matça çox ciddi hazırlaşmışıq". Sportnet.az-ın məlumatına görə, bu sözləri Premyer Liqanın VIII turunda "Xəzər Lənkəran"la oyun öncəsi "Bakı"nın futbolçusu Tural Qürbətov deyib.
Gənc hücumçu cənublularla qarşılaşmanı səbrsizliklə gözlədiklərini bildirib: "İnanıram ki, zəhmətimizin nəticəsini görəcəyik. Uşaqlarımız bu oyunu səbrsizliklə gözləyir. Rəqibi udmaq bizim üçün çox vacibdir. Qalib gəlməklə turnir cədvəlində bir neçə pillə irəliləyə bilərik. İnşallah, bu tapşırığın öhdəsindən gələrik”.
Qeyd edək ki, "Xəzər Lənkəran" - "Bakı" qarşılaşması sabah 17:00-da başlanacaq.
