Azərbaycan milli komandasının futbolçusu Ruslan Qurbanovun 2020-ci il Avropa çempionatının seçmə mərhələsinin püşkünün nəticələri ilə bağlı Sportnet.az-a müsahibəsi
- Püşkün nəticələrini necə dəyərləndirərdiniz?
Həqiqətən də yaxşı qrupa düşmüşük. Komandaların hər biri ilə döyüşəcəyik. Əvvəlki nəticələri unutmaq üçün əlimizdən gələn hər şeyi edəcəyik. Rəqiblərin gücündən danışmağa gərək yoxdur. Onsuz da hər kəs bu komandaların gücündən xəbərdardır.
- Qrupda ən azı ikinci yeri tutmağa gücünüz yetəcək?
- Hər bir oyuna uduzmamaq üçün çıxacaq və əlbəttə, vuruşacağıq. Hansı yeri tutacağımızı sonda biləcəyik. İrəli getmək istəmirəm. Çünki sabah nə olacağını bilmirəm.
- Əvvəllər Azərbaycan yığması bu rəqiblərdən Slovakiyaya qalib gələ, Xorvatiya və Uelslə heç-heçə edə bilibsə, Macarıstandan xal alması mümkün olmayıb. Bu faktlar hansısa psixoloji üstünlük verirmi?
- Olanlar keçmişdə və tarixdə qalır. Bu gün hər şeyə real baxmaq lazımdır. Bu komandaların hamısı xeyli artırıb və onlara qarşı mübarizə aparmaq çətin olacaq. Hər bir oyunçuları isə top-liqalarda çıxış edirlər və milyon dəyərindədirlər. Lakin biz heç kimdən qorxmuruq. Oynayacaq, vuruşacaq, döyüşəcəyik!
- Ev oyunlarını hansı stadionda oynamaq sizə daha əlverişlidir?
- Məncə, ən yaxşısı Tofiq Bəhramov adına Respublika stadionudur. Çünki bu arena azarkeşlər üçün əlverişlidir. Onlara belə uyğundursa, elə də etmək lazımdır. Çünki onlar bizim dəstəkçilərimizdirlər.
