Azərbaycanın 19 yaşadək futbolçular ibarət milli komandasının Avropa çempionatının elit-raundundakı rəqibləri müəyyənləşib.
Sportnet.az xəbər verir ki, püşkə əsasən, Vüqar Məmmədin rəhbərlik etdiyi kollektiv İrlandiya, Rusiya və Rumıniya ilə birgə 1-ci qrupda mübarizə aparacaq. Oyunlar 20 - 26 martda Rusiyada təşkil olunacaq.
Qeyd edək ki, qrup qalibləri 14 - 27 iyulda Ermənistanda təşkil olunacaq final mərhələsinə vəsiqə qazanacaq.
Qrupların tərkibi:
1-ci qrup: İrlandiya, Rusiya, AZƏRBAYCAN, Rumıniya
2-ci qrup: Yunanıstan, Çexiya, İngiltərə, Danimarka
3-cü qrup: Almaniya, Macarıstan, Norveç, Xorvatiya
4-cü qrup: İspaniya, Hollandiya, Uels, Sloveniya
5-ci qrup: Fransa, İsrail, İsveçrə, Polşa
6-cı qrup: Portuqaliya (ev sahibi), Şotlandiya, Türkiyə, Kipr
7-ci qrup: İtaliya, Serbiya, Ukrayna, Belçika
---------------------
Bu gün 19 yaşadək futbolçular arasında Avropa çempionatının elit-raundunun püşkatma mərasimi keçiriləcək.
Sportnet.az-ın məlumatına görə, püşk nəticəsində Azərbaycan millisinin də rəqibləri müəyyənləşəcək. Vüqar Məmmədin baş məşqçi olduğu komanda C səbətində yer alıb:
A səbəti: Portuqaliya (son çempion), Almaniya, Yunanıstan, İspaniya, İtaliya, İrlandiya, Fransa
B səbəti: Şotlandiya, Serbiya, İsrail, Rusiya, Çexiya, Macarıstan, Hollandiya
C səbəti: İngiltərə, Ukrayna, Türkiyə, Uels, İsveçrə, Azərbaycan, Norveç
D səbəti: Belçika, Xorvatiya, Rumıniya, Sloveniya, Danimarka, Polşa, Kipr
Qaydalara əsasən, heç bir komanda seçmə mərhələdə oynadığı komanda ilə yenidən eyni qrupda yer ala bilməz. Başqa sözlə, Azərbaycan İsraillə bir qrupa düşməyəcək. Qrupların tərkibi müəyyənləşdikdən sonra komandalardan biri ev sahibi olacaq və digərləri həmin ölkədə elit-raund matçlarını keçirəcəklər. 7 qrup üzrə mübarizə 2019-cu il mayın 19-dək yekunlaşmalıdır. Final mərhələsi isə 14 - 27 iyulda Ermənistanda təşkil olunacaq.
Qeyd edək ki, elit-raundun oyunları 2019-cu ilin yazında keçiriləcək. Qalib komandalar Ermənistanda oynanılacaq final mərhələsinə yüksələcək.
