Futbol üzrə Azərbaycan Kubokunda ilk 1/4 final oyunlarından sonuncusu keçirilib.
Sportnet.az-ın məlumatına görə, "Qarabağ" komandası Tofiq Bəhramov adına Respublika stadionunda kubokun son sahibi "Keşlə" ilə üz-üzə gəlib. Görüş meydan sahiblərinin 1:0 hesablı qələbəsi ilə yekunlaşıb. Yeganə qolu 65-ci dəqiqədə Kamran Ağayevin səhvindən sonra Rahil Məmmədov vurub.
Qeyd edək ki, digər oyunlarda "Qəbələ" "Sabah"a, "Zirə" "Səbail"ə eyni hesabla qalib gəlib. "Sumqayıt" isə səfərdə "Neftçi"ni məğlub edib - 2:0. Cavab görüşləri 19-20 dekabrda keçiriləcək.
-------
Futbol üzrə Azərbaycan Kubokunda 1/4 final mərhələsinin daha bir oyunu keçirilib.
Sportnet.az xəbər verir ki, "Qəbələ” doğma meydanda "Sabah”la üz-üzə gəlib. Qarşılaşma meydan sahiblərinin 1:0 hesablı qələbəsi ilə başa çatıb.
Görüşdə yeganə qol 45-ci dəqiqəyə təsadüf edib. "Sabah"ın heyətində Filip İvanoviç avtoqol müəllifi olub. Bu komandalar arasındakı cavab oyunu dekabrın 20-də baş tutacaq.
Qeyd edək ki, günün digər oyununda "Qarabağ” "Keşlə” ilə qarşılaşacaq. Dünən keçirilmiş matçlarda "Sumqayıt” səfərdə "Neftçi”ni 2:0, "Zirə” isə evdə "Səbail”i 1:0 hesabı ilə məğlub edib.
-------------------------------------------
Bu gün gün futbol üzrə Azərbaycan Kubokunda 1/4 final mərhələsinin daha iki ilk oyunu keçiriləcək.
Sportnet.az xəbər verir ki, əvvəlcə yarışın ötən mövsümdəki finalçısı "Qəbələ” Premyer Liqanın debütantı "Sabah”ı qəbul edəcək. Bu komandalar cari çempionatda eyni – 17 xala malikdirlər və 4-5-ci pillələri bölüşürlər. Rəqiblər ilk iki dövrədə evdə bir-birləri ilə görüşdə qələbə qazanıblar. "Qırmızı-qaralar” Qəbələdə 2:1 hesablı qalibiyyətə sevindikləri halda, "Sabah” tək qolla 3 xal əldə edib.
Günün digər oyununda çempion titulunun sahibi "Qarabağ” Azərbaycan Kubokunun sonuncu qalibi "Keşlə”ni qəbul edəcək. Bu komandaların Premyer Liqadakı sonuncu duelində ağdamlılar böyük hesabla qalib gəlib – 5:1. Əvvəlki qarşılaşmada isə 1:1-lik heç-heçə qeydə alınıb.
"Qarabağ” çempionatda 30 xalla 2-ci, "Keşlə” isə 12 xalla 7-ci sıradadır.
Azərbaycan Kuboku
1/4 final mərhələsi, ilk oyunlar
16 dekabr (bazar)
14:00. "Qəbələ” – "Sabah” - 1:0
Qol: Filip İvanoviç, 45 (öz qapısına)
Hakimlər: Rəvan Həmzəzadə, Yaşar Abbasov, Cəmil Quliyev, İnqilab Məmmədov
Hakim-inspektor: Fazil Mürşüdov
AFFA nümayəndəsi: Eldar Qasımov
Qəbələ şəhər stadionu
19:00. "Qarabağ” – "Keşlə” - 1:0
Qol: Rahil Məmmədov, 65
Hakimlər: Vüqar Həsənli, Namiq Hüseynov, Elşad Abdullayev, Rəşad Əhmədov
Hakim-inspektor: Murad Məmmədov
AFFA nümayəndəsi: Eldəniz Musayev
Tofiq Bəhramov adına Respublika Stadionu.
