"Müxtəlif səbəblərdən mövsümə yaxşı başlamasaq da, artıq yavaş-yavaş öz oyunumuzu tapırıq. Bundan sonra daha yaxşı "Bakı" izləyəcəksiniz". Bu sözləri Sportnet.az-a "Bakı" klubunun baş məşqçisi İbrahim Uzunca deyib.
Uzunca bu gün AZAL-la keçirəcəkləri səfər oyunu barədə də danışıb. O, meydana qələbə üçün çıxacaqlarını söyləyib: "Biz əsasən gənclərdən qurulmuş komandayıq. Əslində, oyunlar zamanı pis çıxış etmirik. Sadəcə, təcrübəsizlik son nöqtəni qoymağımıza mane olurdu. Artıq Jaba kimi təcrübəli hücumçumuz var. AZAL-la səfərdə qarşılaşmağımıza baxmayaraq, meydana qələbə üçün çıxacağıq. Çünki bizə 3 xal çox lazımdır".
Qeyd edək ki, AZAL - "Bakı" oyunu bu gün saat 17:00-da başlayacaq.
