"Qarabağ"ın Türkiyənin Antalya bölgəsindəki təlim-məşq toplanışında Polşa "Pyast"ı ilə keçirəcəyi növbəti yoxlama oyununun başlama saatı və stadionu müəyyənləşib.
Sportnet.az-ın klubun rəsmi saytına istinadən məlumatına görə, qarşılaşma yanvarın 23-də Belek qəsəbəsindəki "Gloria Sports Arena"da təşkil olunacaq. Oyun Bakı vaxtı ilə saat 18:00-da start götürəcək.
Qeyd edək ki, daha əvvəl Macarıstan "Uypeşt"inə 0:1 hesabı ilə uduzan "Qarabağ" Çexiya "Bohemians"ını yenib - 3:1. Rumıniya "Botoşani"si ilə görüş isə əlverişsiz hava şəraiti ilə əlaqədar baş tutmayıb.
