Futbol üzrə Çempionlar Liqasında 1/8 final mərhələsinin daha 2 ilk oyunu keçirilib.
Sportnet.az-ın məlumatına görə, ötən mövsümün finalçısı "Liverpul" İngiltərədə Almaniya "Bavariya"sını qəbul edib. Görüş meydan sahiblərinin böyük üstünlüyü şəraitində keçsə də, qolsuz yekunlaşıb.
Fransada "Lion" və İspaniya "Barselona"sının üz-üzə gəldiyi matçda da eyni hesab qeydə alınıb - 0:0.
Cavab görüşləri martın 13-də olacaq.
Qeyd edək ki, əvvəlki 4 matçda "Tottenhem" ingiltərədə Almaniyanın "Borussiya" (Dortmund) komandasını 3:0, "Roma" İtaliyada Portuqaliya "Portu"sunu 2:1 hesabı ilə yenib. Əvəzində "Ayaks" Hollandiyada İspaniya "Real Madrid"inə 1:2, "Mançester Yunayted" İngiltərədə Fransa PSJ-sinə 0:2 hesabı ilə uduzub. Bu gün "Atletiko" (Madrid, İspaniya) - "Yuventus" (İtaliya) və "Şalke" (Almaniya) - "Mançester Siti" (İngiltərə) qarşılaşmaları ilə 1/8 final mərhələsinin ilk oyunlarına yekun vurulacaq.
-------------------------------
Bu gün UEFA Çempionlar Liqasında 1/8 final mərhələsinin daha iki oyunu keçiriləcək.
Sportnet.az xəbər verir ki, ilk oyunlar çəvçivəsində baş tutacaq günün əsas qarşılaşması İngiltərədə təşkil olunacaq.
"Liverpul" doğma meydanda Almaniyanın "Bavariya" klubu ilə üz-üzə gələcək. Ötən mövsümün finalçısı olan İngiltərə təmsilçisi bu göstəricinin əbəs yerə olmadığını sübut etməyə çalışacaq. Münhenlilər isə səfərdən sərfəli nəticə ilə qayıtmaq niyyətindədir.
Hər iki komanda bu görüşə itkilərlə çıxacaq. "Mersisaydlılar"ın baş məşqçisi Yurgen Klopp cəza səbəbindən komandanın əsas müdafiəçisi Vircil van Deykin xidmətindən yararlana bilməyəcək. İngiltərə klubunun heyətində zədəli olan müdafiəçi Co Qomes və yarımmüdafiəçi Aleks Oksleyd Çemberlen də bu oyunu buraxacaq. İngilislərin digər müdafiəçisi Deyan Lovren və hücumçu Cerdan Şakirinin isə qarşılaşmada iştirakı sual altındadır.
Rəqiblə eyni aqibəti yaşayan Almaniya təmsilçisi də bəzi oyunçuların yoxluğundan əziyyət çəkir. Komandanın baş məşqçisi Niko Kovaç da aparıcı oyunçularından istifadə edə bilməyəcək. Müdafiəçi Jerom Boatenq, yarımmüdafiəçi Korenten Tolisso zədə, hücumçu Tomas Müllerin isə cəzaya görə bu qarşılaşmada iştirak etməyəcəyi dəqiqdir. Münhenlilərin digər oyunçusu Frank Riberi isə övladının dünyaya gəldiyini əsas gətirərək İngiltərəyə yollanmayıb. Aryen Robben və Kinqsli Komanın isə görüşdə iştirakı hələ ki, bəlli deyil.
Günün digər oyunu isə Fransa olacaq. "Lion" turnirin favoritlərindən hesab olunan İspaniya "Barselona"sının müqavimətini qırmağa cəhd göstərəcək. Meydan sahiblərinin əsas forvardı Nabil Fekir cəzalı olduğu üçün bu oyunu buraxacaq. Fransalıların heyətində müdafiəçi Ceyson Denayer və yarımmüdafiəçi Tanqi Ndombelenin durumu isə oyun vaxtı bəlli olacaq. Kataloniya təmsilçisində qapıçı Yasper Sillessen, müdafiəçi Tomas Vermalen və yarımmüdafiəçi Artur Melo zədəlidir.
Bu gün keçiriləcək matçların cavab görüşləri martın 13-də olacaq.
Qeyd edək ki, fevralın 20-də "Atletiko" (Madrid, İspaniya) - "Yuventus" (İtaliya) və "Şalke" (Almaniya) - "Mançester Siti" (İngiltərə) qarşılaşmaları ilə 1/8 final mərhələsinin ilk oyunlarına yekun vurulacaq.
Çempionlar Liqası
1/8 final, ilk oyunlar
19 fevral
24:00. "Liverpul" (İngiltərə) - "Bavariya" (Almaniya) - 0:0
Baş hakim: Canluka Rokki (İtaliya)
Liverpul. "Enfild Roud" stadionu
24:00. "Lion" (Fransa) - "Barselona" (İspaniya) - 0:0
Baş hakim: Cüneyt Çakır (Türkiyə)
Lion. "Olimpik Lion" stadionu
