Azərbaycan milli komandasının futbolçusu Ramil Şeydayevin çıxış etdiyi Rusiyanın "Krilya Sovetov" komandası Türkiyədəki təlim-məşq toplanışında növbəti oyununu keçirib.
Sportnet.az xəbər verir ki, Samara təmsilçisi Latviyanın “Liepaya” kollektivi ilə üz-üzə gəlib. Qarşılaşma 1:1 hesabı ilə yekunlaşıb. Görüşə start heyətdə başlayan Şeydayev 77 dəqiqə meydanda olub.
Qeyd edək ki, "Krilya Sovetov" bu gün daha bir yoxlama matçı keçirib. Rusiya təmsilçisi Danimarkanın "Koldinq" kollektivini 2:1 hesabı ilə üstələyib. Azərbaycan yığmasının üzvü bu görüşdə iştirak etməyib.
