Bu tur Avropanın yaşıl meydanlarında bir-birindən maraqlı derbi qarşılaşmaları oynanacaq
Sportnet.az-ın məlumatına görə, bu həftəsonu İspaniya La Liqasında "El Klasiko" həyəcanı yaşanacaq. La Liqanın XXVI turunda əzəli rəqiblər olan "Real Madrid"lə "Barselona" üz-üzə gələcək. Bütün dünyanın marağında olan bu oyun martın 2-si Bakı vaxtı ilə saat 23:45-də start götürəcək.
Digər maraqlı qarşılaşmalar isə İtaliya və İngiltərədə oynanacaq.
A Seriyasının XXVI turunda "Latsio" doğma meydanda əzəli rəqibi "Roma"nı qəbul edəcək. Görüş saat 23:30-da keçiriləcək.
Premyer Liqanın XXIX turunda isə "Şimali London" derbisi həyəcanı yaşanacaq. Barışmaz rəqiblər olan "Tottenhem"lə "Arsenal" əfsanəvi stadion olan "Uembli"də meydana çıxacaqlar. Qarşılaşma saat 16:30-da başlayacaq.
Qeyd edək ki, hər iki qarşılaşma da martın 3-də oynanacaq.
