İspaniyanın "Real Madrid" klubunun baş məşqçisi Zinəddin Zidan gələn mövsüm birgə çalışmaq istəmədiyi futbolçuların siyahısını müəyyənləşdirib.
Sportnet.az-ın AS nəşrinə istinadən məlumatına görə, fransalı mütəxəssisin siyahısına 5 nəfər düşüb. Bunlar yarımmüdafiəçilər Daniel Sebalyos, Markos Lyorente və Braim Dias, habelə hücumçular Mariano Diasla Qaret Beyldir.
Eyni zamanda, müdafiəçi Marselo və yarımmüdafiəçilər Toni Kroos ilə İsko "Santyaqo Bernabeu"dakı gələcəklərinə əmin ola bilməzlər. Onlar barədə qərar transfer bazarındakı vəziyyətdən asılı olaraq veriləcək.
Qeyd edək ki, bu mövsüm "Real Madrid" Çempionlar Liqası və İspaniya Kubokunda mübarizəni erkən dayandırıb. İspaniya çempionatında isə "kral klubu" 32 oyundan 61 xalla 3-cü pillədədir.
