Premyer Liqanın XII turunun AZAL-la oyununa hazırlıqlarını doğma şəhərində davam etdirən "Qəbələ” yoxlama matçında qüvvəsini sınayıb. Sportnet.az-ın məlumatına görə, rəqib əvəzedici heyət olub.
Görüş əsas komandanın 3:0 hesablı qələbəsi ilə yekunlaşıb. Baş məşqçi ilk dəqiqələrdən Dorinel Muntyanu Anar Nəzirov, Aleksandru Benqa, Pavol Farkaş, Ruslan Tağızadə, Müşfiq Teymurov, Adrian Ropotan, Andrey Kristea, Dodo, Markinyoş, Yazalde Pinto, Tellur Mütəllimov "11-liy"inə şans verib. Matçın gedişində Rafael Santos Benqanı, Viktor Mendi Markinyoşu, Ekiqo Ehiosun Yazaldeni əvəzləyib. Görüşdəki qolları Yazalde, Markinyoş və Mütəllimov vurublar.
Qeyd edək ki, "Qəbələ”nin əsas komandası növbəti yoxlama oyununu noyabrın 12-də Sumqayıtda eyniadlı komanda ilə keçirəcək.
