Futbol üzrə Azərbaycan Premyer Liqasında XIII tura yekun vurulub.
Sportnet.az xəbər verir ki, sonuncu oyun günündə "Sabah" lider "Qarabağ"ı qəbul edib. Masazırdakı "Bank Respublika Arena"da baş tutan matçda qonaqlar qalib gəliblər - 1:0.
Xorvatiyalı Jelko Sopiçin meydan sahiblərinin baş məşqçisi postunda debüt etdiyi görüşün 74-cü dəqiqəsində Abdullah Zubir fərqlənib.
Ağdam təmsilçisi bu qalibiyyətdən sonra xalını 30-a çatdırıb. "Sabah" isə 13 xalla 6-cı sıradadır.
Qeyd edək ki, hesabat turunda "Qəbələ" "Zirə"yə 3:0, "Keşlə" "Sumqayıt"a 2:1 hesabı ilə qalib gəlib. "Səbail" - "Neftçi" qarşılaşması isə qolsuz bərabərliklə yekunlaşıb.
------
Bu gün Azərbaycan Premyer Liqasında XIII turun son oyunu keçiriləcək.
Sportnet.az-ın məlumatına görə, "Bank Respublika Arena"da "Sabah" və "Qarabağ" komandaları üz-üzə gələcək. Qarşılaşma "Qarabağ"ın ötən cümə axşamı günü İspaniyada "Sevilya" ilə Avropa Liqasının qrup mərhələsinin V tur matçına çıxması ilə əlaqədar bu həftənin ilk gününə təyin edilib.
Matç hər iki komanda üçün ciddi əhəmiyyətə malikdir. Yeni baş məşqçi Jelko Sopiçin rəhbərliyi altında ilk oyununa çıxacaq. "Sabah" qələbə qazansa, xallarını 16-ya çatdıracaq və 5-ci pilləyə yüksələcək. Bu halda Ağdam komandası "Sumqayıt" (1:2) və "Sevilya"dan (0:2) sonra ardıcıl üçüncü məğlubiyyətə düçar olacaq. Qurban Qurbanovun baş məşqçi olduğu kollektiv qalib gələcəyi təqdirdə, ən yaxın izləyiciləri "Keşlə" və "Neftçi"ni yenə özündən 8 xal geridə qoyacaq.
“Sabah” və “Qarabağ” indiyədək 5 dəfə qarşılaşıblar. Paytaxt təmsilçisi hələ qələbə qazana bilməyib, Ağdam komandası isə 3 dəfə qalib olub. 2 matçda heç-heçə qeydə alınıb. Qonaqlar 7 top fərqi ilə öndədirlər. “Qarabağ” indiyədək meydanı qolsuz tərk etməyib. Bundan başqa hər qarşılaşmada 2 və daha çox qol vurulub.
Azərbaycan Premyer Liqası, XIII tur
2 dekabr (bazar ertəsi)
20:00. “Sabah” – “Qarabağ” - 0:1
Qol: Abdullah Zubir, 74
Hakimlər: Əliyar Ağayev, Zeynal Zeynalov, Akif Əmirəli, Vüqar Həsənli
Hakim-inspektor: İmanxan Sultani
AFFA nümayəndəsi: İlham Əliyev
“Bank Respublika Arena”
Qeyd edək ki, turun ilk 3 oyununda "Qarabağ" "Zirə"ni 3:0, "Keşlə" "Sumqayıt"ı 2:1 hesabı ilə yenib. "Səbail" - "Neftçi" matçında isə hesab açılmayıb - 0:0.
